Sakialluttut nunatsinni amerlavallaarput

Nunatsinni siakialluttut amerlavallaarput.

Danmarkimi pualluttut peqatigiiffianni, nunatsinnilu peqqinnissaqarfimmi sinniisut, sapaatip-akunnerani tullermi tamanna pillugu ataatsimiissapput.

Sakialluttut killilersimaarniarlugit suliniutinik aallartitsinissaq neriuutigineqarpoq.

Nunatsinni inuit 100-t missaat ukiumut sakialluuteqalersarput. Nappaallu navianartorujussuvoq - ajornerpaagaangami toqqussutaasarluni malinnaavigineqarnissaalu pisariaqarpoq:

- TB tuniluuttarpoq. Ullumikkut 100-t tunillanneqareermata ukiut ingerlanerini allat tunillanneqarsinnaapput. iliuuseqapallanngikkutta amerlasuut tunillanneqaratarsinnaapput, Gentoftep napparsimmaviani puannik misissuisarfimmi nakorsaaneq, Niels Seersholm, oqarpoq.

Sakialluutip nappaataanik inuit ilaat timiminniititaqaraluarlutik napparsimalerneq ajorput, ilaalli erngerlutik napparsimalersarlutik. Nappaallu sakkukinnerullunilu sakkortunerusinnaasarpoq. Danmarkimilu pualluttut peqatigiiffianit TB killilersimaarneqarusuppoq napparsimalereersut allanik tunillaassuisinnaanerat sioqqutsilluni killilersimaarniarneqarluni, ilaatigut qangatut kalaallit ukiumut ataasiarlutik tarrarsortittalernissaat takorloorneqarpoq.