Saffiugassamik rhodiumimik Nuup eqqaani nassaartoqarpoq
Nuummiit avannamut 75 kilometerinik ungasitsigisumi saffiugassamik rhodiumimik nassaartoqarsimavoq, aningaasanik niuerfimmut Nunaminerals taama nalunaarsimavoq. - Ujaqqanik aamaarnikunik nunap iluani itisuumiit nassaaarneq pingaaruteqartorujussuuvoq, Nuna Mineralsimi pisortaq Ole Christiansen oqarpoq.
Suliffeqarfissuaq Impala Platinium Holdings Nuna Mineralsip suleqatigalugu saffiugassaq taanna nassaaraa.
Saffiuagassaq platinimik rhodiumimillu akoqarmat assorsuaq soqutiginaateqartoq, Ole Christansen oqarpoq.
- Platin aamma rhodium Sydafrikami Zimbabwemilu nassaassaaneruvoq. Taamaammat Kalaallit Nunaanni taamaatumik nassaarnerput nutaarsiassatsialaavoq, Ole Christiansen oqarpoq.