Irakimi kisermaassilluni naalakkersuisuusimasumik Saddam Husseinimik decembarip 30-ianni toqumut pillaaneq, allamit aamma videoliarineqarsimavoq.
Oqarasuaatip angallattakkap videoliuutaa atorlugu assilisami saqqummersumi takusassiarineqarpoq Saddamip qimitaareersimalluni annikkiartorneqarnermini isikkua.
Qungasia talerpiup tungaanut peqerujussuarsimasoq annertuumik ikilersimasoq assilineqarsimavoq, filmiliortullu immiussinertik aallartikkamikku ima oqarpallattoqarpoq:
”Sisamanut kisitsissaanga, Abu Ali, illit suliarissavat”, videoliami taama oqarpallattoqarnera tusaaneqarsinnaasoq, nutaarsiassaqartitsivimmi Ritzaumi allaaserineqarpoq.
Saddamip toqumut pillagaaneranik isertorluni videoliaq siulleq saqqummiunneqarmat Irakimi assut eqqissiviilliortoqalerpoq.