Irakimi kisermaassilluni naalakkersuisuusimasoq Saddam Hussein ippassaani unnuaqeqqarluinnartoq qiminneqarluni toqumut pillagaasoq, inunngorfimmini Tikritemi unnuaq ilisaavoq, ilisaaneranullu inuit 100 missaanniittut peqataasut, DR-mi allaaserineqarpoq.
Saddam Hussein ernermi marluk amerikamiunit siornaak 2003-mi toqutaasut ilerrisa killiganni ilisaavoq.
DR-mi allaaserineqarpoq Saddamimik qimitsisut muslimit shiasiortut, Saddam akerartuutigalugu qimiusersorsimagaat. Ateq Moqtada uteqattaarlugu, Moqtada tassaavoq Saddam uppisitaareermat, nunamik aqutseqataalersut ilaat, taassuma angutaa akkaalu Saddamip kilitsissiaasa siornagut toqussimavaat.
Saddamip ilisaaffia inunnit 2000-init ikinnerunngitsunit maannamut ornigarneqareersoq, franskit nutaarsiassaqartitsiviat AP tusarliussivoq.
Saddam oqaluffeeqqamut naalagiuserineqarluni ilineqarpoq, ilerralu Irakip erfalasuanik qallerneqarsimasoq, DR-mi allaaserineqarpoq, Saddamillu toqumut pillagaaneranut atatillugu illoqarfimmut Tikritimut aqqutit tamarluinnarmik politiinit ulluni sisamani matuneqartut.