Saddam Husseinip angallassua tuniniarpaat
Nuannaariut 270 fodsiusoq 17 millioni pundinik akilerlugu, tassa 177.000.000 koruunit missaannik akilerlugu tuniniarneqarpoq.
Nuannaariut Danmarkimi Helsingør Værftimi 1981-imi sanaajuvoq, qulimiguulimmut mittarfeqarluni, sananeqaataalu akimarpalulluinnartuulluni.
Irakimi kisermaassilluni naalakkersuisuusimasup Saddam Husseinip nuannaariutaa ”Ocean Breeze” tuniniarlugu aallartinneqaqqammersoq, Telegraph allaaserinnippoq.
Nuannaariussuaq Frankrigip kujasissuani Nicemi maanna umiarsualivisseqqavoq. Ikigaannilu nalunanngilluinnarpoq, kina piginnittuusimasoq.
Suna tamarmi aqerlunik pitarneqarsinnaajunnaarsagaavoq, igalaavinut allaat. Eqqarasuartaatinut inissaqarpoq, allaammi naqqaniippoq aqqartartut angallateeraat atorlugu qimaaffissiaq allarpassuarnik aamma piginnittuata akerarpassuaqarneranut takussutissanik atortulersugaalluni.
Saddam Husseini uumagallarmat, nuannaariut taanna 35-inik ulloq unnuarlu nakkutilliisuutitanik inuttaqartinneqarpoq.
