Saddam Hussein toqumut eqqartuussaaqquvaat

oktobarip 18-at 2006 16:24

Irakip ministeriunerata, Nuri al-Maliki-p, neriuutigaa Irakip præsidenterisimasaata Saddam Husseinip eqqartuussisulersuunneqarnera sivikitsumik ingerlanneqarumaartoq, pisuutitaallunilu toqumut qanittukkut eqqartuunneqarumaartoq.

Tusagassiortunik katersortitsinermi Maliki oqarpoq, ”Qanortoq eqqartuussineq sivikitsumik ingerlanneqarili. Qanortoq naakkittaatsumik naalakkersuisoq, Saddam, illersuisuilu erniinnaq toqumut eqqartuunneqarilik”, Maliki ilaatigut oqarpoq.

Saddamimut unnerluussummut siullermut pineqaatissiinerup novembarip ulluisa tallimaanni pinissaa naatsorsuutigineqarpoq.

Unnerluussinermi siullermi pineqarput nunaannarmi illoqarfimmiunik shiamuslimiusunik 148-nik 1980-ikkunni toqoraaneq.

Unnerluussineq alla sorsunnermi pinerluuteqarsimasunut tunngasoq aallartinneqarpoq, tassani unnerluutigineqarlutik Saddam illortaavalu Ali Hassan al-Majeed, ”Kemiske Ali”-tut ilisimaneqarnerusoq, kiisalu inuit allat tallimat.

Suliassami tassani pineqarpoq 1988-imi kurderinik nungusaalluni toqoraasimaneragaaneq.