Saddam Hussein neriumajunnaarpoq
Saddam Hussein Irakimik kisermaassilluni aqutsisimasoq akerliussutsiminik takutitsiniarluni neriumajunnaaqqavoq. Neriumanani akerliussutsiminik takutitsivoq illersortimi siuttuata Khamis al-Obeidi ippassaq anniartitaasup, aallarunneqartup toqunneqartullu pineqarnera akerleralugu.
Ippassarli Saddam Hussein paarnaarussivimmeeqatinilu 55-it neriumajunnaaqqalerput, piumasaralugu USA nunallu tamalaat illersuisut inuunerannik pinerliisoqannginnissaa qulakkeerinnissasut.
Obeidi Saddam-ip illersuisuisa eqqartuussinerup siorna aallartinneqarneraniilli toqutaasut pingajoraat. Saddam unnerluutigineqarpoq inunnut silarsuarmiunut tamanut pinerluttutut toqumillu pillarneqarnissaa piumasaavoq.
Illersuisut eqqartuussinermi ilanngussassartik pilersaarutit naapertorlugit juulip qulingani saqqummiuttussaagaluarpaat. Illersuisumik inuartarinninnerup eqqartuussineq tamaat ajoquserpaa, inuit pisinnaatitaaffiinik suliniaqatigiiffiit naliliipput.
Eqqartuussiviup illersuisut inuunerat illersorsinnaanngippagu, qanoq ililluni siunissami eqqartuussinerit naapertuilluarneq tunngavigalugu ingerlanneqarsinnaassappat, Human Rights Watch oqarpoq.
