Saattuat kinguaassiorsinnaanerat misissorniarpaat
Immami atortut Sisimiut eqqaanni kangerluit Itillip Ikertuullu qinnguini qaammatip uuma ingerlanerani inissinneqarput. Taakkua minutsit qulinngorneri tamaasa immap kissassusia, tarajoqassusia kangerlummilu immap naqqata naqitsinera uuttortartassavaat.
- Immap kissassusiata imaluunniit nerisaasa saattuat qaqugukkut kinguaassiorsinnaalersarnerannut sunniuteqartarnersut paasisaqarfiginissaat neriuutigaarput. Aammattaaq misissussavarput ukiumiit ukiumut allanngorartoqartarnersoq, uumasorsiooq AnnDorte Burmeister Pinngortitaleriffimmeersoq oqarpoq.
Uuttortaanerit siunissaq ungasinnerusoq eqqarsaatigalugu silap pissuserisinnaasaasa aalisagaqassutsimut qalerualeqassutsimullu atatillugu misissueqqissaarnernut atorneqarsinnaassapput.