Royal Greenland saattuat akiinik ullumi aallartittumik appaassaaq. Nunarsuarmi saattuat nioqqutaanerini akit apparaluttuinnarneri malinnaaffigisariaqaramikkit appaasariaqarsimallutik, Royal Greenland-imi pisortaq Henrik Leth tusagassiutini nalunaarummi allappoq.
Tunisinermi akinik appaanermi saattuat Paamiuni kiilumut 9 koruuneqalissapput, Nuummi Sisimiunilu kiilumut 10 koruuneqalissallutik. Aasianni kiilumut 10 koruuni 50 øreqalissapput. Akinik appaanerup saniatigut bonusisitsisarnerit aamma peerneqassapput. Isumaqatigiissutit allat atuutereersut allannguuteqassanngillat.
Royal Greenland tusagassiutinut nalunaarummini aamma allappoq, akinik appaaniarnerit KNAPK-mut ilisimatitsissutigineqareersut.
Raajat akii pillugit isumaqatigiinniarnerit eqqarsaatigalugit, KNAPK-p naalakkersuisut kajumissaarpai akuliuteqqullugit.