Saattuartassiisoqaqqissanngikkallarpoq
Nuummiit Paamiut tikillugit saattuartassanik Paamiuni aalisartut piniartullu saattualerinermillu suliaqartut qinnuteqaataat itigartinneqarpoq.
- Taakkununnga susassaqartut tusarniaavigineqarput, tusarniaanerlugu tunngavigalugu itigartitsisoqarnissaa innersuussutigineqarpoq, tamanna eqqartorluaqqaarlutigu naalakkersuisunit itigartitsivugut, pisassiissutigineqartut ukiumut arlaleriarlutik ilaaqattaarneqarnikuummata, Aalisarnermut Piniarnermullu Naalakkersuisoq Finn Karlsen oqarpoq, nangipporlu:
- Pisasseeqattaartuarneq allanut sunniuteqarnissaa pinaveersaarniarlugu aalajangerpugut aappaagu pisassiinissamut pilersaarusiorluartoqassasoq, ukioq naallugu ajornanngippat naammattussanik, Finn Karlsen erseqqissaavoq.
Paamiuni saattualeriffinni sulisut massakkut suliunnaarallartut Royal Greenland Academy suleqatigalugu suliassaqannginnerup nalaani pikkorissartinneqassapput.
