Saattuarniarneq tuaviortumik ammaqqinniarneqarpoq
juulip 26-at 2006 17:09
Saattuarniarnermik unitsitsineq assortuussutaaqisoq piffissaq sioqqullugu immaqa taamaatinneqassaaq, tassa septembarip ulluisa 15-t sioqqullugu.
Aalisarnermut Piniarnermullu Naalakkersuisup, Finn Karlsenip, uppernarsarpaa, saattuarniarnerup aallarteqqinnissaanut periarfissat ilumut misissorini.
- Saattuarniarnerup ammaqqinneqarnissaanut attuumassuteqarsinnaasut maanna tusarniaavigaavut, soorlu Kalaallit Nunaanni Pinngortitaleriffik, Finn Karlsen oqarpoq.
Naalakkersuisut siulittaasuat, Hans Enoksen, misissuinerit pillugit ilisimatinneqareersoq, Finn Karlsen aamma oqarpoq. Saattuarniarnerup unitsinneqarallarnera pillugu nalilersueqqiinissamut Naalakkersuisut suli ataatsimiigiaqquneqanngillat.
