Saattuarniarneq aqagu unitsinneqalerpoq

Paamiut aamma Nuup akornanni saattuarniarneq aqagu matuneqassaaq. Piniarnermut Aalisarnermullu Pisortaqarfik taama nalunaarpoq.

Saattuat 400 tonsit Paamiuni aalisartunut septemberip naalernerani immikkut pisassiissutigineqartut Pisortaqarfik naapertorlugu nungunneqareerput, taamaammat saattuanik tunisineq aqagu naggataassaaq, saattuarniutillu qaqinneqassallutik.

Nalunaarut taanna Paamiuni uissuummisitsillunilu ernumalersitsivoq.

Royal Greenlandip Paamiuni saattuanut suliffiani pisortaq, Shariar Bordbar oqarpoq, saattualeriffimmi sulisut 25-30-it aqagumiit suliunnaarsinneqartariaqasassut, Bordbarili aamma oqarpoq, saattuat 400 tonsit immikkut pisassiissutigineqartut tamakkerlugit suli pisarineqanngitsut.

Emanuel Rosing, Piniarnermut Aalisarnermullu Pisortaqarfimmeersoq, taamaattoq oqarpoq, nalunaarutit Aalisarnermut Nakkutilliisoqarfimmiit pisimasatik naapertorlugit saattuat immikkut ukioq manna pisassiissutigineqartut tamakkerneqareersut.

Paamiut Kommuneanni borgmesteri, Lars Sørensen, IA, aqagu nalunaaqutaq marlunut ataatsimiigiaqqusivoq, suliffissaaruttussat illoqarfiullu ilungersunartorsiornera Kommune, aalisartut saattuanillu suliaqartartut peqatigalugit ataatsimiissutigineqassallutik.

- Illuatungeriit sunik pilersaaruteqarnersut ilaatigut paasiniarusupparput. Aamma aalisartut suliffissaaruttussat pillugit uagut nammineq eqqarsaatersuutivut paasisitsiniaassutigissavavut, borgmester Lars Sørensen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat