Saattuaq A/S Kalaallinit pigineqartoq norskit aningaasaannik 140.000 koruuninik akiligassinneqarsimavoq, kilisaat saarullinniut ”Polar Prinscess” norskit imartaanni unioqqutitsilluni aalisarsimammat.
Taama nalunaaruteqarput norskit sinerissami alapernaarsuisui webavisen.gl-imi.
Kilisaat qaammat ataaseq qaangiummat pisarneq malillugu misissuisoqarnerani tigusarineqarpoq Tromsø-liaanneqarlunilu. Tassani suliaq politiinit tiguneqarpoq.
”Polar Princess”-ip katillugit 25,5 tons-it norskit imartaanni januaarimi februaarimilu pisarisani nalunaarutigisimanngilai.
”Polar Princess”-imi naalagaq eqqartuussisulersuunneqassanersoq Tromsø-mi politiit kingusinnerusukkut nalilersussavaat.