Saassussiniaraluit pingasut paarnaarunneqarput

Jyllands-Postenip aaqqissuisoqarfianut saassussinissamik pilersaaruteqartunut tigusarineqartunut atatillugu, pingasut parnaarunneqarput, tigusarineqartullu sisamaat - Irakimiu Danmarkimut nunasinissaminik qinnuteqaateqartoq, parnaarunneqartunut pingasunut Herlevimi inissiamik attartugassaannik isumaginnissimasoq - maanna iperagaavoq.
Allattoq Elisa Isaksen
decembarip 30-at 2010 06:52

Parnaarunneqartut pingasut tassaapput, ippassamut unnuakkut Stockholmimit Københavniliartut ilaatigut aallaasimik eqqarasuartaammik nipikillisaatitalimmik 72-inik patronitalimmik nassataqarput.

Eqqartuussisoq Elisabeth Michelsen, Glostrupimi Eqqartuussivimmeersoq, ullaap tungaani inatsit tunngaviusoq naapertorlugu tigusarineqartunut pingasunut killisiuinermini pasinninnini sakkortunerulersippaa, sapaatillu akunnerini sisamani tigummigallagassanngortillugit, sapaatit akunneri siulliit marluk kisimiitillugit parnaarusimaneqartussanngorlugit.

Angutit taakku pingasut Sverigimi najugaqartut, 29-nik, 30-nik 44-nillu ukioqartut pisuussuteqannginnerarput. Eqqartuussivimmilu apeqqutigineqartunut akissuteqarusunngilluinnarlutik.

Danmarkimi tigusarinninnerit saniatigut Stockholmimi oqartussat Sverigimi innuttaasoq 37-nik ukiulik Tunesiamit kingoqqisuusoq tigusaraat.

Politiit isertortumik paasiniaasartuisa naliliinerat naapertorlugu, Jyllands Postenimik saassussineq kingusinnerpaamik sapaatiuppat pisussanngorlugu pilersaarutaasimagaluarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq