Saassussinermut atatillugu tigusarinnittoqarpoq
Saassussinermut isiginnittuusoq politiinut attaveqarpoq atermillu taasaqarluni. Tamatumalu misissuiffigineqareerneratigut angutit inuusuttut marluk 17-inik aamma 19-inik ukiullit ippassaq ualikkut tigusarineqarput.
Taakkulu tigusaasut marluk killisiorneqaleruttorput. Killisiuisoqarnerani tigusaasup aappaata pasineqarnini nassuerutigaa, aappaalu pisuunnginnerarluni. Nuummi politiit taama ilisimatitsipput.
Ujajaasoqarnerani saassussisup immiaaqqanik puussiamiittunik tillinneranut atatillugu 39-nik ukiulik immiaaqqap puukuanik niaqqumigut anaaneqarpoq.
39-nik ukiulik suliaritikkiartorlugu ippassaq Danmarkiliaanneqarpoq, isimilu aappaatigut isigisaarussinnaanera ernummatigineqarluni.