Aalisarnermut, piniarnermut nunalerinermullu Naalakkersuisoq ullumi oqarpoq Naalakkersuisuni siulittaasorlu Hans Enoksen aalisariutaatileqatigiit North Greenland Seafood-ip aalisariutaateqanngikkaluarluni 1000 tonsinik saarullittassinneqarnera aalajangigarigitsik.
- Naalakkersuisut siulittaasuat Hans Enoksen uangalu aasap annersaani feriarfiunerani Naalakkersuisutut atuussimavugut aalajangigassallu aalajangertarlugit, soorunalimi Naalakkersuisut ataatsimoortut isumaat naapertorlugit. Tamakkununngalu North Greenland Seafood-ip immikkut ittumik saarullittassinneqarnera ilaavoq, Finn Karlsen oqarpoq.
Radioaviisip paasisai naapertorlugit Aalisarnermut Naalakkersuisoqarfimmi sulisut North Greenland Seafoodip immikkut ittumik saarullittassinneqarnissaa inassutigisimanngikkaluarpaat aamma tusarparput North Greenland Seafood qinnuteqaqqaarmat akuerineqaqqaarsimanngikkaluartoq.