Saarullittassat ilavaat

Ukiormanna saarullittassat 10.000-usut septembarip 25-iat tamakkerneqarput. Ullumikkulli pisassat ilaneqarput.

- Saarullit nunatta iluani tunisassiassatut piukkunnarsinissaat nerpigissinissaallu tunisassiorfiit utaqqisarpaat, Aalisarnermut Naalakkersuisoq Ane Hansen oqarpoq.

Utaqqinissaallu pinngitsoortinniarlugu saarullittassiissutit ilaneqarput.
Ane Hansenip Naalakkersuisunut qinnuteqaataa, tassalu  saarullittassat 1.500 tonsinik ukiup sinneranut ilaneqarnissaannut ullumi akuersissutigineqarpoq.

Ukiormannamut saarullitassiissutit 10.000 tonsiusut septemberimi tamakkerlugit  aalisarneqarput.
Bioloogit innersuussutaat malinnagit saarullittassiissutit ilaneqarput taamaakkarluartorli biologit innersuussutaat ataqqiniarneqartartut Ane Hansen oqarpoq.

- Ukiuni kingullerni pisisartunit piumasarineqartorujussuanngorpoq, aalisakkaat tunisassiarineqartut aalisapilunneqanngitsut pisiarissallugit. Piumasarineqartut malinneqassappata, innersuussutigineqartut qaangernagit aalisarnissaat pingaartittariaqarparput, Ane Hansen oqarpoq.