Saarullinnik pisassiissutit Ane Hansenip apeqquserpai

- Aalisarnermut inatsimmi paragraf 6 naammassineqarsimanngilaq, pisassiinermilu tulaassisussaatitaaneq ilaanngimmat ingerlatseqatigiiffinnut atuutinngitsunut pisassiisimanerit Inuit Ataqatigiit tamanna inatsisinik unioqqutitsinerusutut isigivaat, Ane Hansen allappoq.

Avataani saarullinniartarnermut tunngatillugu naalakkersuisut pisassiinerminni, suliffeqarfinnut nutaanut pisassiisimasut atuarneqarsinnaavoq, soorlu assersuutigalugu Suliffeqarfik Tunumiit Tsuuddiit saarullittassanik pisassinneqarsimavoq, tamannalu Ane Hansenimit tupigusuutigineqarpoq.

Saarullittassat pisassaritinneqartut aalisariutaatileqatigiinnit pioreersunit aalisarneqarsinnaannginnerat tunngaviulluni suliffeqarfinnut nutaanut taakkununnga taava pisassiisoqarpa? Ane Hansen aperivoq.