Saarulliit nungutaanngujoortutut ilumut nalunaarutigineqassappat?
Saarulliit aalisakkallu arlariit allat atlantikup imartaani uumasuusut nungutaanissamut ulorianartorsiortinneqartutut nalunaarutigineqarnissaat ataatsimiititaliap kaammattuutigaa, Labradorip New Foundlandillu avannaata kangiani saarulleqassutsip ukiuni kingullerni 30-ni 97-99 %-inik annikillisimanera pissutigalugu.
Suliarli suli naammassineqanngilaq, Canadamili Aalisarnermut ministeriaqarfiup ataatsimiititaliaq isumaqatigissappagu, saarullinniartoqaqqusaajunnaarlunilu saarullinnik pisaqarneq inerteqqutaalissaaq. Peqatigitillugu aalisartut ukiumut 60 mio. koruuninik annaasaqartalissapput. Aalisartullumi ilungersoreeqaat, puisinniarnermi puiseeqqanillu toqoraaneq assortuussutaasimaqisoq Canadami inerteqqutigineqarput.
Saarulliit aalisakkallu allat atlantikup imartaaniittut eqqissisilluinnarnissaannut apeqqut januaarip tungaanut tusarniaassutigineqarpoq, kingornalu saarulliit atlantikup imartaaniittut ilumut nungutaanngujoortutut nalunaarutigineqassanersut inaarutaasumik aalajangiiffigineqarumaarlutik.
