Saarulliit imartatsinni amerlatsikkiartorput

Saarulliit nunatsinni ukiuni kingulliunerusuni amerliartulersimapput. Pinngortitaleriffiup ukioq manna mississuinerini paasineqarpoq 2004-mut sanilliullugu saarulliit imartatsinniittut tallimariaammik amerleriarsimasut.

Pinngortitaleriffimmi paasissutissiisartoq Emma Kristensen oqarpoq saarulliit amerlatsinnerat raajat ikiliartornerannik kinguneqarsinnaasoq:

- Misissuinertigut erserpoq saarulliit siornarnit tallimariaammik amerlanerusut, taamaattoqarneratalu kingunerisinnaavaa raajat nunatta imartaani aamma ikiliartulernerat, Emma Kristensen oqarpoq.

Saarulliit siorna tallimariaammik amerlinerat annertugineqarsinnaagaluartoq taamaattoq qanga nunatta imartaani saarullippassuaqartarneranut assersuunneqarsinnaanngilaq, tassami 2003-2004-milu nunatta kitaani saarulliit 5000 tonsiinnaat pisarineqarput, 1991-imi 120.000 tonsit, 1960-ikkunnili ukiumut 450.000 tonsit tikillugit tunisassiarineqartarsimallutik.

Saarulliit nunatsinni amerlatsikkiartorneranni killormoortuanik aamma raajat ikilinerannik kinguneqarsinnaagaluartoq biologit siunnersuutigaat ukioq manna siornatut raajat 130.000 tonsit pisarineqarsinnassasut.

Emma Kristensen oqarpoq biologit ukiukkaarlugit siunnersuuteqartartut, kisiannili 2006-miit raajat ikiliartulernissaat naatsorsuutigineqartoq:

-Misissuinikkut paasineqarami raajat aalisarneqarsinnaalersussat angissutsimikkut mikivallaalersut amerlatsikkiartulersussaasut, taamaattumik 2006-minngaanniit raajaqassutsip appariaaminissaa naatsorsuutigineqarpoq.

Emma Kristensen oqarpoq biologit Namminersornerullutik Oqartussanut siunnersuinerminni aalisarnikkut allanguuteqartoqarsinnaaneranut iliuusissanik pilersaarusiornissamik innersuussuteqarsimasut:

- Biologit ukioq manna Namminersornerullutik Oqartussanut siunersuinerminni innersuussutigaat aalisakkanik pisuussutinik aqutsinerminni raajat saarulliillu aalisarneqarneranni siunissami iliuusissanik pilersaarusioqqullugit. Imaassinnaavormi siornatigut pissutsinut avannaatungaani raajarniarnermut kujataanilu saarullinniarnermut uteqqittugut, tamannalu aqutsinikkut aningaasarsiornikkullu piareersimaffigisariaqarpoq, Emma Kristensen oqarpoq.

Piffissami aggersumi biologit saarulliit 500-it naavi misississorlugit paasiniarniarpaat raajat qanoq amerlatigisut nerisarisarneraat.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat