Saarulliit ernumanartoqarput

Nunatsinni saarullinniarnermi isumalluutituaapput saarulliit 2005-imi tukertut.
Allattoq Noah Mølgaard
februaarip 28-at 2011 13:21

Apeqquterujussuuvoq saarulliit nunatta imartaaniittut qanoq ikitsigilerumaarnersut saarulliit ukioq 2005 tukertut nunguppata.

Tamanna erserpoq Naalakkersuisunut ilaasortap Ane Hansenip Siumumeersumut Karl Lyberthimut akissutaani. Taanna paragraf 37 naapertorlugu apeqquteqarpoq saarulleqassuseq misissorneqarnersoq.

Akissullu ernumaammissutaasinnaavoq ilisimaneqanngimmat saarulliit ukioq 2005 tukertut nunatta imartaaniit peerutissagaluarpata ilisimaneqanngimmat qanoq pisoqarumaarnersoq. Tassamigooq 2005-mi tukertutut amerlatigisunik saarullinnik ukiut kingulliit takkussortoqarsimanngimmat.