Saarulliit akii isumaqatigiissutigineqarput
Saarulliinnik umiarsuarmut tunitsivimmut "Chr. Høy"-imut nunamilu tunitsivinnut tunisanut Royal Greenland aamma Kalaallit Nunaanni Aalisartut Piniartullu Kattuffiat, KNAPK, ippassaq isumaqatigiissuteqarput.
juunip 09-at 2009 06:41
Taakku isumaqatigiissutigaat saarulliit tunisaanerannut akigitinneqartussat KNAPK-p ilaasortaanut atuutsinneqartussat imaalissasut:
Saarullinnut 55 centimeterit qaangerlugit angissusillit, qassutinik bundgarninillu pisat kiilumut 4 koruuni 50 ooreqalissapput, saarulliilli 55 centimeteri qaangerlugit angissusillit, ningittakkanik aalisaammillu pisat, kiilumut 5 koruunit 50 ooreqalissallutik.
Saarulliit 55 centimeterit ataallugit angissusillit, qassutinik bundgarninillu pisat, kiilumut 3 koruuneqalissapput, taavalu ningittakkanik aalisaammillu pisat kiilumut 4 koruuneqalissallutik.
Illuatungeriit isumaqatigiipput akit ullumikkumiit juulip 13-iata tungaanut atuutissasut.
