Saarulliit akii allanngortinneqassanngillat
Aalisartut Piniartullu Kattuffiat Royal Greenlandimut isumaqatigiinniarnermi naammassinnissimasoq tusagassiuutinut taama allappoq.
Corona pissutigalugu saarulliit akiisa apparnissat KNAPK-mit ernummatigineqarsimagaluarpoq tamannali pisimanngilaq, KNAPK oqarpoq-
Allattoq Ivik Kristiansen
maajip 08-at 2020 16:41
Nutserisoq Connie Fontain
KNAPK-p saarulliit akii coronap ajornartorsiortitsinerani appariarnissaat ernumatigisimagaluarpaa.
- Ernumagisimagaluarparput akit appariarnissaat. Avatitsinni pisut imaannaanngitsut malitsigisaanik inuutissat assigiinngitsut akii appararput, tassalu arlerisimagaluarparput saarulliit akiisa aamma appartinneqarnissaat. Tamanna pinngitsoortikkatsigu KNAPK-mi naammagisimaarparput, kattuffiup siulittaasua, Henrik Sandgreen allappoq.
Saarulliit erlaveerlugit tunisat pineqartut KNAPK-p erseqqissaatigaa, saarulliillu uumatillugit assersuutigalugu Maniitsumi aalisakkerivimmut tunineqartartut isumaqatigiissummi ilaanngillat.
