Saarulliit akii aatsaat taamak appasitisigipput
Saarulliit avammut tunineqartartut akii appasippallaarnerat tunineqarsinnaanngitsullu amerlavallaarnerat pissutigalugu saarulliit akii appartinneqartariaqarsimapput. Sarulliit akii pillugit Royal Greenland KNAPK-imik isumaqatigiinniarnerat ingerlariaqqinngillat akigitinneqartut Royal Greenlandip qaffasinnaanngimmagit. Paaviaaraq Heilmann oqarpoq, KNAPK ippassaq nalunaarfigisimallugu, aki neqeroorutigisinnaasartik qaffasinnerutissinnaanagu.
Saarulliit Royal Greenland-imut tunineqartut akii ullumimiit atuutilersumik imatut akeqalerput: Saarulliit angisuut qassutinik qalorsuarnillu pisarineqartut kiilumut 7 kroner 75 øremik akeqarsimagaluartut mikisullu kiilumut 7 koruunimik Akeqarsimagaluarlutik tamarmik kiilumut 4 koruunik 50 øremik akeqalerput.
Saarulliit ningittakkanik aalisaatinillu pisarineqartut angisuut kiilumut 8 kroner og 15 øremik mikisullu 7 kroner og 40 øremik akeqarsimagaluarlutik tamarmik 5, 50 øre-mik ullumimiit akeqalerput.
Paviaaraq Heilmannip eqqaamasinnaanngilaa qanga kingullermik saarulliit akii taamak appasitsigimmata.
KNAPK-imit nalunaarugineqarpoq saarulliit akii pillugit Royal Greenland-imik isumaqatigiinniarnertik ingerlateqqikkusullugu.