Saarulliit aalisapilunneqarlutik navianartorsiortinneqarput

Immami tamaani saarullinnik assigisaannillu aalisarneq nunarsuarmi tamarmi aalisakkanik tamakkuninnga aalisarnerup sisamararterutai tamaani aalisarneqartarput.

Saarulliit aalisakkallu taakkununngalu assingusut aalisapilunneqarnerisa issittumilu silap pissusaata allangoriartornerata kingunerisaanik navianartorsiortinneqarput. Unioqqutitsinanili aalisartoqaraluartoq aalisakkanik tunisassiortut aningaasatigut annaasaqartarput. Aalisapiluttoqartarneratigut nunarsuarmi aalisakkat akii appariartorput. Aalisakkat tulaanneqartartut nalunaarsorneqartannginneri pissutaallutik aalisakkat amerlassusii biolog-init malinnaavigineqarsinnaanerat ajornartorsiutigineqarpoq. Barentsip imartaani unioqqutitsillutik saarullinnik aalisartartut ukioq 2005-imi 100.000 tonsit sinnerlugit pisaqarsimapput. Unioqqutitsinatillu saarullinnik aalisartut ukiumut 450.000 tonsinik pisaqarsimallutik.

Unioqqutitsilluni aalisarneq ingerlaannassappat, issittumi aalisarneq navianartorsiortinneqassaaq, soorlu Alaskap imartaani Bering-ip imartaani aalisakkat 90-ikkut ingerlaneranni ikileriarujussuartut amerleriaqqinnatillu, Pinngortitaq pillugu nunarsuaq tamakkerlugu suliniaqatigiiffik Verdensnaturfonden WWF nalunaarusiamini aarlerisaarivoq.