Saarullernaq pillugu nunani avannarlerni aalisarnermut naalakkersuit naapilersut

Sapaatiuppat nunani avannarlerni aalisarnermut naalakkersuisut Savalimmiuni Thorshavn-imi naapissapput.

Tassani aalisarnermut naalakkersuisut EU-meersut Rusland-imeersullu naapissavaat, saarullernaq aalisapilunneqalersimasoq siunissami qanoq aqunneqassanersoq oqallisigissallugu. Norge-miut aalisarnermut aviisiat Fiskeribladet taama allaaserisaqarpoq.

Norge-miut aalisarnermut naalakkersuisuat, Svein Ludvigsen oqarpoq, saarullernarniarneq nakkutigineqarnerulertariaqartoq. Ilisimatuullu oqaasiinut tapersiipput, oqarlutik saarullernat amerlassusaat eqqarsaatigalugit massakkut aalisarnerujussuup saarullernap amerlassusaanik ajornartorsiortsitsisut.

Saarullernat pillugit ataatsimiinnissaq pissaaq nunani avannarlerni aalisarnermut naalakkersuisut ullut marluk ataatsimiinnissaat sioqqutilaarlugu. Ataatsimiinnissaq Thorshavn-imi aamma pissussaavoq.

Ataatsimiinnissamut nunarput sisamanik aallartitaqassaaq, taakkununnga ilaalluni aalisarnermut naalakkersuisoq, Rasmus Frederiksen.