Saarlumi erngup qalaateqqaarlugu atorneqarnissaa innersuussutigineqartoq

Saarlumi nunaqarfimmi imeqarfik bakteeriaqarpallaartoq misissuinermi kingullermi paasineqarpoq, qalatitsinissamullu naalakkersuisunit maanna innersuussisoqarluni.
Saarlumi erngup qalaanneqarnissaa innersuussutigineqarpoq. Assi © : Simon Uldum
apriilip 20-at 2021 19:33

Saarlumi imeq bakteeriaqartoq misissuinermi kingullermi paasineqarpoq, naalakkersuisullu tamanna pillugu innersuussipput erngup atunnginnerani qalanneqaqqaassasoq.

AAMMA ATUARUK Kujataamiut naalakkersuisunngortussat pillugit: Annilaangassutiginera soorlu katattutut ittoq

- Nunaqarfimmi najugallit innersuunneqarput, imeq qalateqqaarlugu imerneqassasoq taavalu illup iluani atorneqassasoq.
 Qalatitsinissamut innersuut unitsinneqarumaarpoq, erngup ajoquteqarunnaarnera misissuinerit nutaat takutippassuk, naalakkersuisut nittartakkaminni taama allapput.

Sooq taama erngup bakteriaqartigineranik taakkulu suminngaaneerneranik naalakkersuisunit suli ilisimaneqanngilaq. Tamanna Nukissiorfimmiit misissorneqaleruttorpoq.