Saanikkut nappaateqalersartut amerliartorput

Nunavummi saanimikkut nappaateqalersartut amerligaluttuinnarput.

Ukiut arlaqanngitsut matuma siorna, ikittuinnaat saanit nappaataannik napparsimalersartut, ukiuni qaninnerni saarnit nappaataannik napparsimalersartut ukiumut 20-nit amerlanerulersimasut, nutaarsiassaqartitsivik, CBC, allappoq.

Nunarsuarmi peqqissutsimik isumasiuinermi, Novosibirskimi Ruslandimi ingerlanneqartumi, taamaattoqarnera saqqummiunneqarpoq.

Vitamininik D-nik amigaateqalersarneq saanit nappaataannik pilersitsisarpoq, ilaatigut saarngit aqippallaalerlutik napeqqajaasunngortarlutik, aammalu kigutit ajortunngoqqajaasunngorlutik.

Timi nammineerluni vitamininik D-nik pilersitsisarpoq ilaatigut seqinermiilluartarnikkut, avannaarsuanili ukiuunerani seqineqarpiarneq ajortumi tamanna ajornakusoortarpoq. Aammali saanikkut nappaateqalertarnermut pissutaanerpaanut ilaavoq nerisaqarneq.

Kalaalimerngit, soorlu mattaat puisillu tingui, vitamininik D-nik akoqarluarput, tamakkutunngippallaaraannilu, saanikkut napparsimalersarneq annertusigaluttuinnartarpoq.

Meeraaqqat A, C aamma D-vitamininik tuniorarneqartarput.