Isumalioqatigiissitap isumaliutissiissutissani piareersaraa
![](/sites/default/files/styles/image_934x467/public/forsoningskommissionen_august_2017_hoej_oploesning.jpg?itok=Mty_cpFP)
Saammaateqatigiinnissamut isumalioqatigiissitaq sapaatit-akunnerata naanerani ataatsimiippoq, isumaliutissiissutissamilu Naalakkersuisunut Inatsisartunullu ukiup naanerani tunniunneqartussami innersuussutissat sammineqarput. Naalakkersuisut tusagassiorfinnut nalunaaruteqarlutik taama allapput.
Saammaateqatigiinnissamut isumalioqatigiissitaq naapertorlugu ataatsimiinneq imaqarluarpoq isumaliutissiissutissarlu innersuussutinik iliuusissatullu pilersaarutinik, innuttaasut oqariartuutaat innersuussutaallu tunuliaqutaralugit suliarineqartunik imaqartussaq pingaarnertut oqaluuserineqarpoq.
- Sulinitsinni inuiaqatigiit pingaarnerpaajujuarnikuupput, innuttaasummi nunaqavissut inuunerminnik inuunerminnilu atugassarititaasunik ilisimasaqartuupput. Oqallinnernik aallartitsisimavugut siornatigut eqqartorneqartarsimanngitsunik, inuiaqatigiillu ingerlariaqqinnissaminnut tamanna pisariaqartippaat, siulittaasoq Josef Therkildsen tusagassiorfinnut nalunaarummi taama oqarpoq.