Saammaateqatigiinnissamut isumalioqatigiissitami ilaasortat ilaat tunuartoq

Saammaateqatigiinnissamut Isumalioqatigiissitaq nunasiaataasimanermi pisunik oqallinnissamik pilersitsisussaq ilaasortaanik ataatsimik tunuartoqarpoq.
Allattoq Niels Krogh Søndergaard
oktobarip 31-at 2014 10:29

Amalie Lynge Pedersen Saamaateqatigiinnissamut Isumalioqatigiissitami ukiup affaata missaanik suleqataareerluni tunuarpoq.

Amalie Lynge Pedersen namminerisamik peqquteqarluni Saammaateqatigiinnissamut Isumalioqatigiissitamit tunuarniuteqartoq, tusagassiuutinut nalunaarummi allassimavoq.

- Isumalioqatigiissitamiinnera sivikikkaluartoq isumalioqatigiissitami sulineranut tunniussaqarluarsimavoq, suleqataaneralu maqaasissavarput”, Jens Heinrich, Saammaateqatigiinnissamut Isumalioqatigiissitami ilaasortaq oqarpoq

Taassuma Amalie Lynge Pedersenip  isumalioqatigiissitami sulinini unitsimmagu  ajuusaarutigaa erseqqissaatigaalu Isumalioqatigiissitap sulinera ingerlaannassasoq  maannalu tarnip pissusaanik ilisimasalinnik, piginnaasaannik atuisinnaanissaq siunertaralugu, ilisimasalittut suleqateqalernissaq naatsorsuutigineqartoq.

 Saammaateqatigiinnissamut Isumalioqatigiissitami nutaamik ilaasortassarsisoqassanera pillugu qinersisoqareerpat Naalakkersuisut naliliiumaartut tusagassiuutinut nalunaarummi  erseqqissaatigineqarpoq

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq