Saammaasseqatigiinneq angorusuppaat
Irakip naalakkersuisuini siulittaasup, Nuri al-Malikip, saammaasseqatigiinnissaq angujumallugu pilersaarut aqagu saqqummiutissamaarpaa.
Sunnimuslimit pikitsitsiniat unitsinniarlugit, upperisarsiornermilu immikkoorniarnermut tunngatillugu nakuusertarnerit unitsinniarlugit, Nuri al-Maliki taama saqqummiussiniarpoq.
Sydafrikami Apartheidip atorunnaarsinneqarnerani pissutsit atuuttut Malikip pilersaarutaani ilaatinneqarput.
Saammaasseqatiinnissaq angujumallugu pilersaarummi immikkoortut 28-upput. Pikitsitsiniat sorsukkumatuut peersinneqarnissaat anguniarneqarpoq, oqaloqatigiinnerlu sakkutut atorneqarusuppoq.
Irakip præsidentia Jalal Talabani pilersaarut tapersersorpaa, neriullunilu sunnimuslimit shiamuslimillu akaareqatigiinnerup iluani inuulerumaartut.
Saammaasseqatigiinneq angujumallugu Nuri al-Maliki iliuuseqareerpoq. Qaammatip siuliani parnaarussat 2500-t iperagaatippai.