Saamerliit suli ajugaassangatippaat
Isumasiuinerni kingullerni, Megafonip TV2-llu qinersisoqanngitsiarnerani suliaanni, takuneqarsinnaavoq saamerliuniat 51,5 procentinit taaguunneqassagunartut, talerperliillu 48,5 procentinit.
Tassa imaalerpoq saamerliit 90-inik ilaasortaatitaqalissagunarput, talerperliillu 85-inik. Atlantikup Avannaani ilasortassat sisamat taava apeqqutaalerput. Amerlanerit nalugunanngilaat, Inuit Ataqatigiit Siumullu Nunatsinni immaqa isertitaqassasut, Savalimmiuniit saamerliit talerperliilluunniit isertitaqassangatinneqartut - immaqa Republikanerinit aamma Sambandspartimit.
Sulili tassa inerniliisinnaanngilagut. Aviisimi Politikenimi allaaserineqartut naapertorlugit apersorneqartut 15 procentiisa kina qinissanerlugu nalornissutigaat. Taakku amerlaqqatigaat ilaasortaatitassat qulit aqqaneq-marlullu akornanni, ministeriunerlu Lars Løkke Rasmussen partiillu tapersersortai nalornisunit iluatsitsinikkut qinigaassagaluarpata, Løkke ministeriunertut ingerlaqqissinnaassagaluarpoq.
