Saaffigineqaqqaartoq isumaqatigiissitsiniartussatut akuersivoq

Ilinniartitsisut kattuffiata Naalakkersuisullu isumaqatigiinniarisa unittoorsimanerannut Mette Christensen, Danmarkimi Imarsiortut Niuertullu eqqartuussivianni præsidentimut tullersortaasoq, qaangiititsiniaasussanngorpoq, tamannalu radioaviisimut taassuma uppernarsaqqammerpaa.

Mette Christensenilli isumaqatigiissitsiniarnissami aallartinnissaa suli ullulersinnaanngikkallarnerarpaa, tuaviornerpaamilli pinissaa oqaatigalugu.

Mette Christensenip isumaqatigiissitsiniartussanngornera IMAK-ip suli tusarsimanngilaa, ilinniartitsisullu kattuffianniit taamaammat tamatumunnga oqaaseqarumanngikkallarput.
Namminersorlutik Oqartussat isumaqatigiissutit pillugit immikoortortaqarfimmiit ima oqartoqarpoq:

- Qaqugu isumaqatigiinnialernissatsinnik erseqqissumik oqarnissamut siusippallaaqaaq. Kisianni neriunarpoq, sapaatip akunnerata uuma naalernerani akunerulluunnit tulliuttup aallartilaarnerani, Namminersorlutik Oqartussat  Isumaqatigiissutit pillugit immikkotortaqarfimmi pisortaq, Rasmus Sembach, oqarpoq.

Ilinniartitsisut kattuffiata IMAK-ip, KANUKOKA-p kiisalu Naalakkersuisut akunnerminni isumaqatigiissusiaata siulliup qaangiunneraniit qaammatip tulliani ukiut marlunngussapput.

Isumaqatigiinniartut avissaartussutaasa pingaarnerit ilai tassaapput, ilinniartitsisut ilinniartitsinerulernissaannik, kiisalu ilinniartitsisut piffissamik qaangiisarnerinik ikilisarneqarnissaannut sulisitsisut piumasaqaataat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat