S-61-i Ilulissiaanneqarpoq
Ilulissat eqqaani Kangiani qulimiguulik apriilip ulluisa aqqarnganni meruloornermi kingorna ajoqusertoq, qulimiguulimmit allamit ingerlanneqarluni ippassaq Ilulissiaanneqarpoq. Qulimiguullip ajoqusernikup igalaavi atortuilu allat piiarneqarsimapput, timitaata ilaannaa kiserngorussimalluni.
S-61-ip oqimaappaallaarnera pissutigalugu qulimiguuliup allap kivissinnaasimanngilaa, taamaattumillu S-61-ip atortuisa ilai piiaarneqaqqaarsimasut, Air Greenland-ip nakkutilliisoqarfianit oqaluttuarineqarpoq.
S-61-i ullut aqqaneq marluk matuma siornatigut sermersuup eqqaani Kangiani minniartilluni minnerliorpoq, tassalu ippassaq aatsaat Ilulissiaanneqarpoq, timmisartullu illutaannut Hangar-imut inissinneqarluni. S-61-ip siunissami qanoq ikkumaarnissaa suli ilisimaneqanngilaq.
