Søren Hald Møller Naalakkersuisut Siulittaasoqarfiani pisortatut atorfinitsinneqarpoq
Naalakkersuisut unnummut nalunaaqutaq arfineq marlunngulersoq tusagassiuutinut nalunaarumminni allapput, maannamut pisortaagallartutut atorfeqartoq, Søren Hald Møller atorfinitsinneqavissasoq.
Søren Hald Møller Kalaallit Nunaanni 1986-imit najugaqarpoq sulillunilu, pisortallu suliffeqarfiutaanni sivisuumik atorfeqarluni, ilaatigut Namminersornerullutik Oqartussani Namminersorlutillu Oqartussani pisortatut atorfeqartarsimalluni ukiorpaalunnilu Naalagaaffimmut sinniisuusimalluni.
Søren Hald Møllerip atornitsinneqarnera pillugu Naalakkersuisut siulittaasuat, Kim Kielsen ima oqarpoq.
- Søren Hald Møllerip suleqatigilernissaa qilanaaraara, Naalakkersuisullu pisortani periusissanillu suliaqarnerup iluani sivisuumik sulisimanerani misilittagarilersimasaasa iluaqutigilernissai qilanaaralugu. Qularutiginngilara Søren Hald Møllerip misilittakkani tunngavigalugit Naalakkersuisut Siulittaasuata Naalakkersuisoqarfiani aqutsinermi Namminersorlutik Oqartussallu ineriartortinneqarnerannut eqeersimaartumik tunniussaqarsinnaasoq, Naalakkersuisut siulittaasuat. Kim Kielsen oqarpoq.
Naalakkersuisut Siulittaasuata Naalakkersuisoqarfiani pisortatut atorfimmut qinnuteqartut sisamaasimasut, atorfinitsistinermut ataatsimiititaliap siulittaasua, Jørgen Isak Olsen allappoq.
