Rømer Winther tunuartussanngorpoq
Nunatsinni takornariaqarneq pillugu saqitsaanneq pissutigalugu nunatsinni takornariaqarnermut inuussutissarsiornermullu siunnersuisoqatigiit pisortaata Stig Rømer Wintherip atorfianik akeqarpoq, Rømer Winther ukiuni qulingiluani pisortaareerluni aggustip naanerani soraartussanngorpoq.
Takornariaqarnermut tunngasuni saqitsaassutaasoq ilisimatitsissutigineqanngilaq, siunnersuisoqatigiilli siulittaasuat Stig Rømer Wintherilu atorfimmit tunuarnissaq pillugu isumaqatigiissuteqarsimapput.
Nunatsinni takornariaqarnermut inuussutissarsiornermullu siunnersuisoqatigiit ukioq manna nutaamik siulittaasortaarput siulittaasunngorluni
67-inik ukiulik Bjarne B. Eklund. Taanna siunnersuisoqatigiinni 2003-p 2005-illu akornanni aamma siulittaasuusimavoq.
Bjarne Eklundip siulittaasuunngiffimmi nalaani, Stig Rømer Winther GTE-mi pisortatut ilaquttaminik ikinngutiminillu salliutitsinerarlugu uparuartornikuuaa.
Stig Rømer Winther, suliffeqarfimmi aqutsisutut- Masteritut ilinniartoq, oqarpoq soraaraluaruniluunniit nunatsinniiginnassalluni.