Røde Korsip kukkunini paasivaa
Røde Korsip Haitimi nunap sajunnerata kingunerisaanik ajunaarnersuarmit eqqugaasunut ikiuiniarluni katersuiniarnerani - oqarasuaat atorlugu aningaasanik tapeerusuttut normut sianerfissaat kukkuneqarsimasut paasivaaat, taamaammallu naqqiuteqarlutik.
Allattoq Najaaraq Egede
januaarip 20-at 2010 13:37
Haitimut ikiuiniaraanni normut sianerfissat tassaapput 25 koruuninik tapiinissamut norumu sianerfissaq 163 aamma 50 koruuninik tapiinissami norumi sianerfissaq 166 kiisalu 100 koruuninik tapiiniaraanni normu sianerfissaq tassaalluni 169.
Røde Korsimiit nalunaarutigineqarpoq, tapiiniartunut normut sianerfissat nassiuteqqaakkatik ajoraluartumik kukkuneqarsimasut, maannali eqqortut nalunaarutigaat, tassaasut 25 koruuninik tapiiniaruit sianissaatit 163-imut, 50 koruuninik tapiiniaruit 166-imut 100 koruuninillu tapiiniaruit 169-imut.
Kiffartuussineq Tusassilinnut atuutinngilaq.
Haitimi ikiuiniarnernut aningaasatigut tapiiniartut aamma Grønlandsbankemi kontomut 6471-8008008-imut ikisisinnaapput.
