Røde Kors meeqqanut tammaarsimaartitsilerpoq

Kalaallit Røde Korsiata meeqqanik aasaanerani ukiumoortumik tammaarsimaartitsinissaa, Ilulissani ukioq manna pisussaq, Royal Arctic Line-imit ilaatigut aningaasaliiffigineqarpoq.
Allattoq Apollo Jeremiassen
juulip 22-at 2011 08:50

Tammaarsimaartitsineq Kalaallit Røde Korsiata ukiut tamaasa aaqqissuuttarpaa. Meeqqat aasaanerani sulinngiffiup nalaani illoqarfimmi qimannissaannik periarfissaqanngitsut peqataatinneqartarput.

Tammaarsimaarneq Kalaallit Røde Korsiata Ilulissani immikkoortortaqarfiata ukioq manna aaqqissuutissavaa. Tassani peqataassapput meeqqat 20-t,  inersimasullu arfineq- marluk, taakkulu Qaqortumiit, Paamiuniit, Nuummiit, Maniitsumiit, Qasigiannguaniit aamma Ilulissaneersuupput.

Peqataasussat siulliit Sarfaq Ittummut ilaallutik Qaqortumiit avannamukarlutik ippassarli aallareerput.

Tammaarsimaarneq aallartissaaq meeqqat peqataasussat tamarmik Ilulissanut tikissimalerpata, taakkulu Ilulissat eqqaanni Kangersunermiissapput, aggustip ulluisa tallimaata tungaanut.

Tammaarsimaarnermi aningaasaliisunut ilaapput, Royal Arctic Line, Helene amma Svend Jungip aningaasaateqarfia, Tips aamma Lotto kiisalu Nuna Fonden.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq