Røde Kors katersivoq

Meeqqat, inuusuttut angajoqqaallu inuit katillugit aqqaneq marluk sapaatiummat silarlukkaluaqisoq ullaap tungaani quliniit Qaqortumi katersissutit nassarlugit ineqarfinni assigiinngitsuni Kalaallit Røde Korsiannut katersipput. Angalaarnerminni katillugit 14.150 kr. katersorpaat.

- Silarlunnera peqqutaalluni illoqarfiup pingajorarterutaa naak anguneqanngikkaluartoq taama katersisoqarpoq, Qaqortumi Røde Korsip immikkoortortaata siulittaasua Tove Blidorf oqarpoq. Taanna aamma Kalaallit Røde Korsianni siulittaasuutigivoq.

Illunut kasuttorluni katersinerup saniatigut tii, kaagit, kaffi aamma skuut støvlillu tuniniarneqarput. Eqqumiitsuliortup Buuti Pedersenip qalipakkani tallimat akitsorterussassanngorlugit tunissutigai, taakkulu 2.000 kr. missaannik isertitsissutaapput. Meeqqat pinnguartinneqarput nipilersortartullu assigiinngitsut nipilersortoralugit tusarnaartitsisoqarpoq.

Katersineq nalunaaqutaq 17:00 naammassimmat Qaqortumi Røde Kors katillugit 21.000 kr. katsorpai.