Ruth Heilmann nutarteriniarpoq
- Inatsisartut oqinnerusumik atugaqartinniarlugit suliassat ingerlanneqassapput, kisianni eqaannerusumik ataatsimeeriaaseq ingerlanneqarsinnaasoq aamma uanga isumaqartarama, Ruth Heilmann oqarpoq, nangipporlu:
- Jonathan Motzfeldt suleqatigisarpara. Unammilleruminnaappoq, kisianni ukiorpassuarni ingerlaqatigisimavarput. Soorunami Inatsisartut peqatigalugit ingerlatseqqinnissaq pillugu siulittaasoqarfimmi eqaallisaasoqassaaq. Pitsaanerusumik sulisinnaajumaarnerlunga soorunami oqaatigiuminaattorujussuuvoq, ilaasortaqativulli kissaataat aamma apeqqutaapput, Inatsisartuni siulittaasunngortoq oqarpoq.
- Arnani siullersaallutit inatsisartut siulittaasuattut inissipputit, ilinnut qanoq misigimanarpa?
- Arnaanera eqqarsaatiginngivippara. Suliassavut suliarisarpavut apeqqutaatinnagu arnaanersoq angutaanersorluunniit, kisianni soorunami tulluussimaarutigaara inatsisartuni siulittaasuni arnat siullersarimmannga. Taanna tanngassimaarutigilaarpara, Ruth Heilmann oqarpoq.
Ruth Heilmannip ilanngullugu oqaatigaa, suliassatut pingaarnertut suliariniarlugu inatsisartut ataatsimiittarfiani atortorissaarutit nutarsarneqarnissai.