Russit umiarsuaat Kangianut Aqqutikkut ingerlaarniarput

Russit umiarsuaatileqatigiiffiat Kangianut Aqqutikkut umiarsuarnik Kinamukartitsiniarluni pilersaarusiorpoq.

Ruslandimi umiarsuaatileqatigiiffissuup Sovcomflotip Kinamut uuliamik gassimillu assartuisarnermini aqqut sivikinnerusoq atorniarpaa. Taama iliorniarput Kangimut Aqqutatikkoorlutik, pisarnermissut Suezip ikerasaliaatigoornatik.

Aqqutikkut tassuunaqquunnermikkut ingerlaarnerminni piffissaq atortagartik affaannanngortissavaat, taamalu piffissamik aningaasanillu atuinikinnerussallutik.

Russit umiarsuaat arsartuut siulleq aggustip 14-ianni Murmanskimit gassimik usilluni Kinaliarpoq. Umiarsuaq sikusiutinik marlunnik atomimik ingerlateqartunik ingiallorteqarpoq.

Sukkanerusumik akikinnerusumillu Asiamukartarnissaq siunertaasoq Evgeny Ambrosovip Sovcomflotimeersup Bloomberg News-imut oqaatigaa. Tamatumuunakkulli sikusiussuit marluk ilaatinneqarmata annerusumik ileqqaarfiusinnaanissaa ilimaginngilaa.

Siberiami Issittullu Kangiani uuliamik gassimillu Ruslandip tunisassiornerminik piorsaaniarluni pilersaarutigaa, matumani Kinami Asiamilu annertuumik tunisaqarsinnaanissani naatsorsuutigalugit.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat