Russit umiarsuaat imminnut aportut
Uuliamik assartuutit taakku marluk, Indiga aamma Varzuga, sikunik aserorterutinik marlunnik, ingerlaqateqarput, uuliamik assartuutit, tamarmik immikkut 13.300 liiterinik usisut, aqqutissaat sikunik aserorterutit taakku aserortertarpaat.
Aqqummi sikoqaqisumi, isikkiviloqisumilu, uuliamik assartuutit taakku aportut, Ruslandimi nutaarsiassaqartitsivimmi, Novaya Gazetami, tamanna allaaserineqarpoq.
Novaya Gazetami allaaserineqartut naapertorlugit Varguza Indigap aquanut aporpoq. Indiga timitamigut ajoquserpoq, kisianni ingerlaqqissinnaasimalluni, aporaluarmatalu uuliakoortoqarsimanisasa ilimagineqanngilaq.
Kangianut aasaq manna aqqutikkoorsinnaalerneq nunarsuaq tamakkerlugu umiarsuaatileqatigiiffinnit atorluarneqarpoq, tassuunaqqukkaannimi sivikinnerullunilu orsussamik atuinannginnerummat.
Kangianut Aqqutikkoorsinnaagaanni Europap Asiallu akornanni aqqut sivikinneralaarsuuvoq, Suezip imaluunniit Panamap ikerasaatigoornermit, imaluunniit Afrikamiit kaajallalluni Asiamukarnermit sivikinnerulluni.
