Toqqoraanni aggersarneqarnissamulluunniit peqqussummik atsiugaqannginnikkut sakkutuutut aggersarneqarnissaq pinngitsoorneqarsinaasoq, inuusuttunut siunersuisoqatigiinneersoq Dmitrij Lutsenko oqarpoq.Assi: Stringer/AFP/Ritzau Scanpix

Russit Ukrainemi sorsukkiartortinneqarnissartik pinngitsoortinniarsarigaat

Russit 100.000-likkuutaat nunaminnit qimarrapput, allallu sorsutsikkiartortinneqarnissartik pinngitsoorniarlugu toqqortiterlutik.

Angutinit annilaangasunit Ukrainemi sorsoqataarusunnatik saaffiginnittunit ulapitinneqarlutik, russit eqqartuussissuserisuisa oqaatigaat.

Russit 100.000-likkuutaat nunanut allanut qimaapput, russit præsidentiata Vladimir Putinip nalunaarutigimmagu, sakkutuutut piareersimatinneqartut 300.000-t aggersarneqarnissaannut peqqusinerata kingorna.

Russsit qimaasut Kasakhstanimut, Georgiamut Finlandimullu qimaapput.

AAMMA ATUARUK Russit sorsukkusunngitsut Georgiamut qimaasut

Amerlasuut suli Ruslandimiipput russit sakkutuuinut toqqorterlutik allallu sakkutuutut aggersarneqanngissartik neriuutigalugu.

- Sakkuttunngoraanni angerlaqqinnissaq immaqa naatsorsuutigineqarsinnaassanngilaq. Taamaallaat ikilerneqaraanni toqutaagaanniluunnit angerlartoqarsinnaavoq. Sakkutuutulluunniit qimanngikkaanni parnaarussaagaanniluunniit, eqqartuussissuserisoq Sergej Krivenko oqarpoq.

Sakkutuutut aggersarneqarnissaq toqqornikkut aggersarneqarnissamulluunniit peqqussummik atsiugaqannginnikkut pinngitsoorneqarsinaasoq, inuusuttunut siunersuisoqatigiinneersoq Dmitrij Lutsenko oqarpoq.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl