Russit Tyskland Navalnyjimut suliami ulapippallaarsoraat

Russit oqaaseqartartuat: Nakorsat tyskit oqaatsip "toqunartutortitaanerup" atornissaanut sooruna taama tuaviupilutsigisut?
Berlinimi napparsimmaviup Charitép imarisaq tangilik Navalnyjimik napparsimatitsisorineqartoq suunersoq suli inerniliutivissimanngikkaa, Kremlip oqaaseqartittagaa Dmitrij Peskov oqarpoq. Assi © : Kirill Kudryavtsev/AFP/Ritzau Scanpix
Allattoq Ritzau
aggustip 26-at 2020 09:10
Nutserisoq Ivik Kristiansen

Nakorsat tyskit politikerip illuatungiliuttup Alexej Navalnyjip napparsimaneranut atatillugu oqaatsip toqunartutortitaanerup atornissaanut ulapippallaarsimasut, russit oqarput.

Suliami inaarutaasumik inerniliisoqanngitsoq Moskvameersullu pisup misissuiffiginerunissaanut pissutissaqarsorinngikkaat, Kremlimeersut oqarput. Misissuinerunissaq Tysklandimit EU-miillu kissaatigineqaraluarpoq.

Ruslandip oqartussaasui Kremlimik isorinnittut siuttuata toqunartutortitaasorineqarnera pillugu misissuinissamik Tysklandip kanslerianit, Angela Merkelimit, kaammattorneqaraluarput.

AAMMA ATUARUK Putinimut iluatungiliuttoq Navalnyjs toqusimasinnaagaluartoq

Berlinimili napparsimmaviup Charitép imarisaq tangilik Navalnyjimik napparsimatitsisorineqartoq suunersoq suli inerniliutivissimanngikkaa, Kremlip oqaaseqartittagaa Dmitrij Peskov oqarpoq.

- Toqunartutortitaanerup pissutaanera inaarutaasumik aalajangiunneqarpat misissuinermik aallartitsisoqassaaq, taanna oqarpoq.

Alexej Navalnyjip napparsimaneranut suna pissutaanersoq nakorsat tyskit russillu paasiuminaatsikkaat, taassuma ilanngullugu oqaatigaa.

- Misissueqqissaarnerit assigiipput, inerniliunneqartulli assigiinngillat. Inaarutaasumillu inerniliisoqanngilaq, Kremlimeersut oqarput.