Russit Savalimmiuni "ikkarleqqapput"

Russit kilisaataataanni qaammatini arlalinni Savalimmiuni umiarsualivisseqqasumi, inuttaasut perlinnginniassammata, savalimmiormiunit nerisaqartinneqarput innaallagissamillu allanillu pisariaqartitaannik pilersorneqarlutik.
Allattoq Najaaraq Egede
apriilip 01-at 2008 16:57

Russit kilisaammi inuttat aqqanillit, qaammatini arlalinni aningaasarsisimannginnamik ulluinnarni pisariaqartitaminnut aamma akissaqanngillat.

Russit kilisaataataat ”Marshal Krylov” Kaliningradimeersoq - suliffeqarfiup nunami allamiup piumasaqarnera naapertorlugu Savalimmiunut oktobarimili umiarsualivissippoq.

Suliffeqarfik uuliamik orsersuisartuusoq russinit akiitsoqarfigineqarpoq. Taamaammat kilisaammik piginnittut akiitsuminnik akileeqqaartinnatik kilisaataatertik aallarteqqissinnaanngilaat.

Kilisaat qeqertami Østerø-miippoq, tassanilu najugaqartut, kilisaammi inuttat perlinnginniassammata nerisitaraat atorfissaqartitaannillu pilersorlugit.

Savalimmiut Ruslandilu aalisarnikkut ukiorpassuarni suleqatigiipput, assersuutigalugu russit kilisaataataat, Ruslandimut nassiussassanik Savalimmiuni usingiarsinnaajuarsimallutik.