Russit qulit USA-mi kilitsissiatut sulisimasut parnaarussaapput
USA-mut salloqittaallutik isersimasutut, eqqunngitsumik kinaassutsiminnut uppernarsaateqarsimasutut Ruslandimilu isertortumik paasiniaasartunut paasissutissanik nassiussuisarsimasutut unnerluunneqarput.
- Unnerluussinermi saqqummiunneqartut allanngillat kilitsissiat pillugit atuakkiamit pisut. Kilitsissiatut pasineqartut allaammik ersinngitsumik allattarsimapput, aningaasanik nunamut assaassisarlutik assinillu ersinngitsumik allannilinnik internetsimut ilisillutik Ruslandimi pisortatik attavigisarsimavaat.
Tassa Amerikami nalinginnartut inuullutik taamaaliortarsimapput.
- Kilitsissiatut unnerluussat taamatut inuuneqarnissaat ersiuteqanngilluinnaraluarpoq. Allatulli inuusut saniliisa ilaat oqarpoq.
Amerikami isertortumik paasiniaasartut Ruslandimiusut paasiniaasartuusaarlutik paasissutissanik piumallutik Ruslandimiunit tunisikkamik kilitsissiatut sulisut tigusaraat. Ruslandimi nunanut allanut ministeria suliaq pillugu aperineqarami toqqaannaq akinaveersaarpoq.
- Apeqqutit pillugu nassuiaanneqanngilagut, neriuppunga nassuiaanneqarumaarlunga, nunanut allanut ministeri Sergey Labrof oqarpoq. DR taama paasissutissiivoq.
