Russit qulimiguuliat Svalbardip eqqaani tammartoq

Russit qulimiguuliat arfineq pingasunik ilaasoqartoq Svalbardip imartaani Barentsburgip eqqaani nakkarsimassangatinneqartoq Norgemi annaassiniarnissamut upalungaarsimasoqarfik, HRS nalunaaruteqartoq nutaarsiassaqartitsivik NTB allappoq.

- Qulimiguulik Barentsburgimit kilometerinik marlunnik pingasunilluunniit ungasitsisumiilluni nakkarpoq, HRS oqarpoq.

- Qulimiguulik Svalbardimi Pyramidemit Barentsburgiliarpoq. Siullermik, qulimiguulik kinguaattoortoq nalunaarfigineqarpugut, kingusinnerusukkut imaanut nakkarsimasoq nalunaarfigineqarpugut, annaassiniartartut pisortaat, Tore Hongset NTB-mut oqarpoq.

- Ilisimasarput malillugu qulimiguulik nakkarpoq. Qulimiguulimmit ikiortissarsiornermik nalunaaruteqartoqanngilaq, Hongset oqarpoq.

Sumiiffimmut tassunga annaassiniartartut qulimiguullit umiatsiallu arlallit aallartinneqarput

Barentsburg tassaavoq Svalbardimi Nordenskiöld Landimi Grønfjordenip 435-nik russiunerusunik ukrainimiuunerusunillu innuttaasullip eqqaaniittoq piiaaffik.

/ritzau/NTB