Russit quiasaarisartut: Folketingimi ataatsimiinnermi uupakaatinneqarpugut
Russit quiasaarisartut Folketingimi Nunanut allanut tunngasunut politikkikkut aalajangiisartoqatigiit ataatsimiinneranni qarasaasiakkut peqquserluttuliorlutik peqataasimapput.
DR-ip nutaarsiassaqartisivia taama allaaserisaqarpoq, quiasaarisartut Vovan aamma Lexus russit nutaarsiassaqartitsviannut RIA-mut tamanna pillugu oqaaseqarsimallutik.
Folketingimi Nunanut allanut tunngasunut politikkikkut aalajangiisartoqatigiit ataasinngornermi ataatsimiinnerannit YouTubemi immiusssaq ataasinngornermi saqqummiunniarsimavaat, qarasaasiakkut tusagassiivimmi Zetlandimi tusagassiortoq
Folketingemit uppernarsarneqarpoq, inuk HvideRuslandimi illuatungiliuttut siuttuattut Svetlana Tikhanovskajatut imminut taasimasoq ataatsimiinnermi isertuussaalluinnartumi peqataasimasoq.
Ataatsmiinneq pivoq oktobarip ulluisa arferngani, Hvideruslandimilu politikkikkut pisut oqaluuserineqarlutik.
Aalangiisartoqatigiit siulittaasuata tulliata Michael Aastrup Jensenip nalunaarutigaa, inuup taassuma Danmarkimi uumasunut atortittarfiit apeqqutigisimagai.
Danmarkimilu uumasunut atortittarfeqannginnera apeqqutigineqarmat, danskit politikeerisa ajortoqartoq paasivaat.
Folketingemiillu nalunaarutigineqarpoq, danskit nunanut allanut tunngasunut politikkianut ajoqusiisinnaasunik ataatsimiinnermi oqartoqarsimanngitsoq.