Assi: KNR/Vilhelm Lynge

Russit qeqertaanni nannut ajornartorsiortitsisut

Ruslandip qeqertarpaavini nannut amerliartupiloornerisa kingunerisaanik sukannersumik maligassaliortoqarnissaa nalunaarutigineqarpoq.

Oqartussat naapertorlugit nannut nunamut annguttartut amerliartornerinik arlalinnik inunnut saassussisoqarsimavoq, ilaatigut illup iluanut iserluni, DR.dk nittartagaani BBC allappoq.

Qeqertami Belusja Gubami nannut 52-it takuneqarput, taakkunanngalu qulit qeqertamiiginnarsimallutik.

Ruslandimi naalagaaffiup nannut aallaaneqarnissaat piumasarinngilaa, eqqissisimatitaammata.

Taamaattorli sumiiffimmi oqartussat direktørimut tullersorti oqarnera naapertorlugu nannut toqqissisimatitsinngillat:

- Inuit ersipput, angerlarsimaffitsilluunniit qimannissaat ersigivaat, ulluinnarni periusiat sequmeqqavoq, angajoqqaat meeqqatik qimakkusunngilaat meeqqerivimmukaakkusunnagillu atuarfiliaakkusunngilai, Alexander Minajev oqarpoq.

AAMMA ATUARUK Nannunik qanillattortoqartarnera toqqissisimatsinngitsoq

Silaannaap kissatsikkiartornerata kingunerisaani immap sikua milliartornerata nannut najugaqarfinnut qanilliartorput.

Ittoqqortoormiini aamma immap sikuini soqarpiannginnera pissutaalluni siorna maajimi nannut illoqarfimmut qanillattorput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat