Russit qalasersuup imartaanik piginnittuunerarput

Ruslandip Ministeriaqarfia nalunaarpoq, Pinngortitami pisuussutit pillugit ilisimasassarsiortitatik misiliutissanik misissugassaminnik nassarlutik tikissimasut, misiliutillu misissorneqarsimasut uppernarsarsinnaagaat, Ruslandip piumasaqaatai ilumoortuusut, Danmarkimi Kalaallillu Nunaanni ujarassiuutut misissuiffimmi pisortap tullia, Jens Jørgen Møller oqarpoq

Tassunga atatillugu oqaatigissallugu pingaarnerpaaq tassaassaaq, Naalagaaffiit Peqatigiit Isumalioqatigiissitaliaata suliamut atatillugu naggaterpiaatigut Russit taamatut oqalunnerat aatsaat uppernarsarneqarsinnaassappat akuerisussaammassuk.

Pingaartorlu oqaatigisariaqartoq tassaavoq, piumasaqaateqartussat tamarmik piumasaqaatissatik piareeriarunikkik aamma piumasaqaateqartussaassammata.

- DR-p ilanngutassiortua aperivoq, qanoq ililluni uppernarsarneqarsinnaanersoq siberiap nunataata immap naqqatigut sikuiuitsup avannarliup tungaanut atassuteqarnera qanoq nassuiarneqarsinnaanersoq, suullu aalajangiiniarnermi najoqutarineqartussaappat; Ujarasioorlu Akivoq;

Oqartoqartarneratuut nunaviup tunngavia immap naqqatigut tallineqartutullusooq ilineqartarpoq,

soorlu oqarutta immap naqqa tamaat nunanngortikkutigu imartaa peerlugu taava qaqqartai assigiiginnavimmik nunavimmiit samungarsuaq atassuteqarniartussaapput, tassalu tamanna russit misissorlugu aallartissimavaat.

Nunavimmiit immap naqqanik piginnittussaanermi nalaagaafiit peqatigiit aalajangersagaliaat malillugu Immap naqqata qaqqartai assigiiginnavittussaaput.

Sikuiuitsup Avannarliup imartaata naqqa tikinneqajuitsumiikkami ilisimaneqarpallaanngilaq.

Russillu paasisaat suunersut suli naalagaaffiit peqatigiit isumalioqatigiissitaliaannut saqqummiunneqanngillat.